The printable version is no longer supported and may have rendering errors. Please update your browser bookmarks and please use the default browser print function instead.
Сѣдяй въ славѣ на престолѣ Божества,
во облацѣ легцѣ пріиде Iисусъ пребожественный,
нетлѣнною дланію, и спаце зовущія:
слава, Христе, силѣ Твоей.
Ужасошася всяческая о боьественнѣй славѣ Твоей:
Ты бо неискусобрачная Дѣво,
имѣла еси во утробѣ надъ всѣми Бога,
и родила еси безлѣтнаго Сына,
всѣмъ воспѣвающимъ Тя миръ подавающая.
Божественное сіе и всечестное,
совершающе празднество, богомудпіи,
Богоматере, пріидите руками восплещимъ,
отъ Нея рождшагося Бога славимъ.
Не послужиша твари богомудріи паче Создавшаго,
но огненное прещеніе мужески поправше,
падовахуся поюще: препѣтый отцевъ Господь
и Богъ благословенъ еси.
Хвалимъ, благословимъ, покланняемся Господеви,
поюще и превозносяще во вся вѣки.
Отпоки благочестивыя въ пещи рождесто
Богородичо спасло есть, тогда убо образуемое,
нынѣ же дѣйствуемое, вселенную всю
воздвизаетъ пѣти Тебѣ:
Господа пойте дѣла, и превозносите Его во вся вѣки.
Всякъ земнородный да взыграется дыхомъ
просвѣщаемъ, да торжествуетъ же безплотныхъ
умовъ естество, почитающее священное
торжество Богоматере, и да вопіетъ:
Радуйся, всеблаженная Богоподице,
чистая Приснодѣво.