Description: A traditional carol from Lombardy. The same text is sung in Milan on another tune.
External websites:
Original text and translations
Lombard text
Andèmm, andèmm, Vergin Maria,
andèmm, andèmm a Bethlehèm.
Quànd l'è stada inànz on tòcch,
la Madòna la gh'à fàmm.
Andèmm, andèmm, Vergin Maria,
'n tocchèl de pàn a'l trovarémm.
Quànd l'è stada inànz on tòcch,
on tòcch de pàn si l'àn trovàa.
Mangì, mangì, Vergin Maria,
mangì, mangì fin quand vorì.
Quànd l'è stada inànz on tòcch,
la Madòna la gh'à séd.
Andèmm, andèmm, Vergin Maria,
'na quai fontana la trovarémm.
Quànd l'è stada inànz on tòcch,
la fontana l'àn trovàa.
Bevì, bevì, Vergin Maria,
bevì, bevì fin quand vorì.
La Madòna la se sbassava,
la fontana la se valzava.
Quànd l'è stada inànz on tòcch,
la Madòna la gh'à sògn.
Andèmm, andèmm, Vergin Maria,
'na quai cabana la trovarémm.
Quànd l'è stada inànz on tòcch,
la cabana l'àn trovàa.
Dormì, dormì, Vergin Maria,
dormì, dormì fin quand vorì.
Quànd l'è stada la mezzanòcc
l'è nàa su on bèl Bambìn
bianc e róss e rizzolìn.
Cito, cito fa' la nanna,
fa' la nanna en la cabana.
Per adèss in Bethlehèm,
a cà nòsta poeu andarémm.